Børn og ung
Dagstovnurin Alvalon er ein integreraður stovnur við børnum frá 0 – 7 ár.
Alvalon lat upp 28. august 2006 og tað vóru uml. 115 børn og 28 starvsfólk, ið byrjaðu tá. Barna- og starvsfólkatalið broytist frá ár til ár. Summarið 2022 eru 94 børn og 31 starvsfólk.
Vitja heimasíðuna hjá dagstovninum á www.alvalon.fo
Tann parturin, sum ungfólk í dag kalla Nýggi skúli, varð vígdur 11. novembur 1989, júst 32 ár aftaná vígsluna av eldra nýggja skúlanum. Hesin skúlin er 1700 fermetrar. Í niðaru hæddini eru træ- og jarnsmíðstova, skúlakøkur og stór bókagoymsla. Í ovaru hæddini eru alis- og evnafrøðistova, serstova, tvær skúlastovur og uppihaldsstova, sum kann leggjast saman við aðrari skúlastovuni til smærri framførslur o.a. Eisini er nýggj fimleikarhøll, sum hevur eina gólvvídd uppá 18 x 22 metrar ella 396 fermetrar.
Vitja heimasíðuna hjá Sørvágs skúla: www.sorvagsskuli.fo.
Frítíðarskúlin er eitt tilboð til børn frá 1. flokki, til og við 3. flokk, og heldur til í Sýsluni
Upplatingartíðir hjá Sýsluni
- Mándag og mikudag kl.17.00-20.00 (4. - 5. flokkur)
- Týsdag og hósdag kl.18.00-22.00 (6. - 7. flokkur)
- Fríggjadag kl.19.00-01.00 (8. flokkur og upp til 18 ár)
Borgarhjørt Larsen, leiðari tlf. 233248
Brynhild Jacobsen, varaleiðari tlf. 233247
syslan@sorvag.fo
Meta tygum, at tygum hava tørv á ráðgeving, kunna tygum ringja til Barnaverndartænastuna á tel. 34 44 30 ella skriva til teldupost til bvt@vaga.fo
Um barnaverndartænastuna
Barnaverndarnevndin:
Hanna Helena Simonsen, forkvinna
Laila í Løðu, næst forkvinna
Gunnar Nattestad, nevndarlimur Avtala millum Sørvágs- og Vága kommunu um skipanan av Barnaverndartænastu.
Barnaverndarlógin "Løgtingslóg nr. 18 frá 8. mars 2005 um barnavernd, sum seinast broytt við løgtingslóg nr. 168 frá 16. desember 2021" er at finna á Logir.fo
Endamálið
Endamálið við barnaverndarlógini er at tryggja, at børn, sum liva undir viðurskiftum, ið kunnu skaða teirra heilsu og menning, fáa neyðuga hjálp og umsorgan í rættari tíð, og at hjálpa teimum við at fáa ein tryggan uppvøkstur. Lógin fevnir um børn og ung í aldrinum frá 0 til fylla 23. árið. Somuleiðis fevnir lógin um ófødda barnið.
Fráboðast skal eisini um kvinnu, ið er við barn, tá ið mett verður, at tørvur er á stuðli sambært lógini, t.d. vegna rúsevnismisnýtslu, sosialum ella sálarligum ávum.
Myndugleikarnir skulu leggja dent á at finna loysnir, sum eru best fyri barnið.
Lógin er galdandi fyri børn, ið eru stødd í Føroyum.
Barnaverndartænastan hevur ábyrgd av, eftir fráboðan ella av sínum eintingum, at gáa eftir børnum í kommununi, sum liva undir viðurskiftum, ið kunnu skaða teirra heilsu og menning, og av at seta fyriskipanir í verk, sum á besta hátt kunnu loysa trupulleikarnar.
Barnaverndartænastan skal veita barninum tryggleika á tann hátt, at barnið kann venda sær til barnaverndartænastuna við sínum trupulleikum, uttan at hetta verður fráboðað foreldrum ella verja.
Barnaverndartænastan skal í størstan mun stremba eftir at fáa samstarv í lag við tann ella tey, ið hava foreldramyndugleikan, um at seta fyribyrgjandi fyriskipanir í verk. Um tað ikki verður mett at vera ráðiligt at halda áfram við fyribyrgjandi fyriskipanum í samstarvi við foreldrini, skal barnaverndartænastan taka stig til, at aðrar fyriskipanir uttan samtykki frá tí ella teimum, ið hava foreldramyndugleikan, verða settar í verk.
Barnaverndartænastan skal skipa fyri tvørfakligum samstarvi ímillum teir fakbólkar, sum starvast við børnum í barnaverndarøkjunum, undir hesum sosialráðgevarar, heilsusystrar, læknar, lærarar, sálarfrøðingar og námsfrøðingar
Fráboðanarskyldan
Tann, ið fær kunnleika til, at foreldur ella annar uppalari vanrøkir, meinslar ella misnýtir eitt barn, ella at barnið á annan hátt livir undir viðurskiftum, ið kunnu skaða tess sálarligu ella likamligu heilsu ella menning, hevur skyldu til at boða avvarðandi barnaverndartænastu frá hesum. Fráboðarin kann vera ónavngivin.
Barnaverndartænastan skal sum skjótast, og seinast innan eina viku, ganga ígjøgnum innkomnar fráboðanir og meta um, hvørt kanningar skulu setast í verk.
Barnaverndartænastan skal boða fráboðara, hvørt fráboðanin er móttikin.
Fakfólk eru ØLL, sum í starvi sínum hava við børn at gera. Tað eru lærarar, námsfrøðingar, heilsufrøðingar, sjúkrarøktarfrøðingar, tannlæknar, læknar, sálarfrøðingar, fysioterapeutar, ergoterapeutar, sosialráðgevar, dagstovnaleiðarar, dagrøktarar og prestar. Hugtakið fakfólk fevnir eisini um onnur, ið hava við børn at gera í teirra starvi, t.d. privat, ið veita sosiala tænastu ella ráðgeving í atferðartrupulleikum, uppaling og umstøðum hjá børnum.
Starvsfólk, sum í starvi sínum hava við børn at gera og sum í hesum sambandi fáa kunnleika til viðurskifti ella hava orsøk til at halda, at viðurskifti eru, sum krevja, at komið verður uppí eftir hesi lóg, hava skyldu til navngivin at boða barnaverndartænastuni frá hesum. Fráboðanarskyldan sambært hesum stykki verður sett fram um ásetingarnar í øðrum lógum um tagnarskyldu í viðkomandi yrkjum.
Øll hini: Tann, ið fær kunnleika til, at foreldur ella annar uppalari vanrøkir, meinslar ella misnýtir eitt barn, ella at barnið á annan hátt livir undir viðurskiftum, ið kunnu skaða tess sálarligu ella likamligu heilsu ella menning, hevur skyldu til at boða avvarðandi barnaverndartænastu frá hesum. Fráboðarin kann vera ónavngivin.
Øll, sum í starvi sínum hava við børn at gera og sum í hesum sambandi fáa kunnleika til viðurskifti, sum krevja, at komið verður uppí eftir hesi lóg, hava skyldu til navngivin at boða barnaverndartænastuni frá hesum. Fráboðanarskyldan sambært hesum stykki verður sett fram um ásetingarnar í øðrum lógum um tagnarskyldu í viðkomandi yrkjum. Bóklingur um fráboðanarskyldu kann takast niður her.
Revsing
Tann, sum verður varugur við, men ikki boðar barnaverndartænastu frá, at foreldur ella annar uppalari misrøkir, meinslar, misnýtir ella aðramáta fer so við barni, at stórur vandi er fyri tess sálarligu ella likamligu heilsu ella búning, verður revsaður við bót ella hefti upp til tríggjar mánaðir.
Tann, sum forðar fyri, at fyriskipan ella kanning eftir hesi lóg verður sett í verk ella útint, ikki gevur upplýsingar ella gevur viðkomandi barnaverndartænastu, Høvuðsbarnaverndarnevndini ella almennum myndugleika rangar ella villeiðandi upplýsingar um viðurskifti, sum lógin umrøðir, verður revsaður við bót og, um talan er um grovt brot, við hefti í upp til tríggjar mánaðir.
Tann, sum fer soleiðis við egnum barni, fosturbarni ella barni, sum honum er latið upp í hendur sambært hesi lóg, at stórur vandi er fyri tess sálarligu ella likamligu heilsu ella búning, verður revsaður eftir § 213 í revsilógini.
Vegleiðing at fráboða
Lógin um barnavernd sigur greitt, at vit hava øll skyldu til at boða myndugleikunum frá, um vit kenna til mál, har eitt barn er fyri vansorgan ella ágangi.
Sambært lógini hava øll fráboðanarskyldu, men skilt verður tó millum vanliga borgaran og fakfólk, sum í starvi sínum hava við børn at gera. Hesin seinni bólkurin hevur herda fráboðanarskyldu, sum merkir, at ein varhugi um illgrunasom viðurskifti er nóg mikið til, at boðast skal frá.
Børn hava rætt til eitt gott lív.
Bóklingur um fráboðanarskyldu til fakfólk kann takast niður her.
Fæst tú við børn og ung í tínum starvi, og fært tú kunnleika um viðurskifti, ella hevur orsøk til at halda, at børn ella ung liva undir viðurskiftum, ið kunnu skaða teirra sálarligu ella likamligu heilsu og menning, hevur tú skyldu til navngivin at boða Barnaverndartænastuni frá. Herda fráboðanarskyldan er millum annað galdandi fyri læknar, ljósmøður, heilsufrøðingar, lærarar og starvsfólk innan barnaansing.
Herd fráboðanarskylda merkir, at tú hevur skyldu til navngivin at boða frá, um tú fært kunnleika til viðurskifti ella hevur orsøk til at halda, at eitt barn er fyri umsorganarsviki ella ágangi.
Vegleiðing til vanliga borgaran um fráboðan kann takast niður her.
Varnast tú, ella hevur tú orsøk til at halda, at eitt barn livir undir viðurskiftum, sum kunnu skaða sálarligu ella likamligu menningina hjá barninum, eigur tú at senda Barnaverndartænastuni eina fráboðan.
Ert tú stúrin um eitt barn; eygleið so barnið og skriva niður upplivingar, har atburðurin er frávíkjandi. Sama er galdandi fyri atburðin hjá foreldrunum.
Eingi formlig krøv eru til eina fráboðan, men royn at gera lýsingina ítøkiliga. Greið frá tí, tú hevur sæð og tí, sum barnið hevur sagt. Tú kanst eisini greiða frá serstøkum hendingum uttan at gera egnar tulkingar.
Tú kanst lata eina fráboðan bæði skrivliga og munnliga, og tú kanst vera ónavngivin.
Eru tekin um harðskap, kynsligan ágang ella onnur revsiverd viðurskifti, kanst tú annaðhvørt seta teg í samband við løgregluna á tlf. 114, ella venda tær til Barnaverndartænastuna, sum síðan tekur støðu til málið.
Fyri nærri kunning verður víst til heimasíðuna hjá Barnaverndarstovuni www.bvs.fo.
Ynskir tú at gerast umlættingar- ella fosturfamilja hjá barni undir 18 ár?
Ynskja tú og tín familja at gerast umlættingarfamilja ella fosturfamilja hjá einum barni ella ungum fólki, kunnu tit lesa meiri um møguleikarnar á heimasíðuni hjá Barnaverndarstovu Føroya Fosturforeldraskipanin (bvs.fo)
Barnaverndarnevndin:
Hanna Helena Simonsen, forkvinna
Birita Petersen, næstforkvinna
Gunnar Nattestad, nevndarlimur
Starvsfólk
Karin Joensen, Leiðari
Jónley Poulsen, Málsviðgerði og SSP samskipari
Ásla Leila Johansen, Skrivstovufólk
Marjun E. Højgaard, Familjuráðgevi
Edhel Lauritsen, Sosialráðgevi
Samstarvsnevndin fyri Barnaverndartænastuna í Vágum
Bjarni Prior, Vága kommuna
Eyð Ellingsgaard, Sørvágs kommuna
Rósa Samuelsen, Vága kommuna
Jóhan Mikkelsen, Sørvágs kommuna
Karin Joensen, skrivari
Samband
Barnaverndartænastan í Vágum
Hammershaimbsvegur 1
360 Sandavágur
Tlf. 34 44 30
Avgreiðslutíð: Mánadag – fríggjadag frá kl. 10:00 - 15:00.
Bráðfeingis boð uttan fyri hesar tíðir verða umstillað til vakttelefonina.
Teldupostur: bvt@vaga.fo
Leiðari: Jenny Petersen
Dátuverndarkunning kann lesast við at klikkja á her
Telefon: 23 32 22
Musikkskúlin í Vágum er partur av Musikkskúlaskipanini í Føroyum.
Í løtuni telur Musikkskúlin í Vágum gott og væl 130 næmingar.
Vitja heimasíðuna hjá Musikkskúlanum á www.vagamus.fo.
Øll skulu upp úr hylinum 15 min. áðrenn tað steingir.
Upplatingartíðir í svimjihylinum fram til 23. juli.
Svimjihylurin verður stongdur frá 24. juli til skúlin byrjar aftur.
- Týsdag kl.12.00-15.00
- Mikudag kl.17.00-20.00 (familjusvimjing kl.19.00-20.00)
- Hósdag kl. 12.00-15.00
- Leygardag kl.10.00-15.00
Heimasíða á Facebook: Svimjihylurin í Sørvági