Spennandi deildarleiðarastarv í Heimatænastuni í Vágum

Heimatænastan í Vágum skal hava nýggjan deildarleiðara, sum við dyggum fakligum innliti, fyrisitingarligum nærlagni og góðum leiðsluførleikum hevur hug og áræði at gerast partur av leiðsluni á eldraøkinum í Vágunum. Afturfyri bjóða vit eitt spennandi starv við góðum menningarmøguleikum, har tú hvønn dag ger mun og skapar úrslit.

 

Um starvið

Vit leita eftir deildarleiðara til 3. hædd í Sýnuni.

Aðalmálið hjá Heimatænastuni í Vágum er at tryggja, at allir borgarar, ið koma í samband við Heimatænastuna, fáa skjóta og fakliga væl grundaða tænastu við atliti at heilsustimbran, fyribyrging, røkt, viðgerð og rehabilitering.

Deildarleiðslan skal tryggja, at fakliga støðið hjá Heimatænastuni er dygt og livir upp til ásetingarnar í lógini og normar á fakøkinum, eitt nú við at menna og skipa endur-, viðlíkahalds- og fyribyrgjandi tænastur; og við at leiða starvsfólkini í tvørfakligum arbeiðsgongdum, ið síggjast aftur í allari tænastuni.

Deildarleiðslan skal megna at seta greið og ítøkilig krøv til fakliga støðið, har gerandisdagurin er merktur av at verða innihaldsríkur og mennandi.

Deildarleiðslan skal hava áræði at leiða, ganga undan og vera fyrimynd í menningini, skapa meining fyri starvsfólkunum og megna at fremja sjónliga leiðslu.

Deildarleiðslan skal tryggja, at virksemið í Heimatænastuni fylgir fyrisitingarligum mannagongdum og leiðreglum, og at rættartrygdin hjá búfólki og borgarum er á nøktandi støði.

 

Førleikakrøv

Prógv og autorisatión sum sjúkrarøktarfrøðingur eru krav.

Kunnleiki til og áhugi fyri leiðslu og fyrisiting eru ein fyrimunur, eins og kunnleiki til viðkomandi lógir, faklig krøv og standardir á økinum. Neyðugt er at hava telduførleika á brúkarastøði og evni at seta seg inn í skipanir, ið verða brúktar á økinum

 

Setanar- og lønarviðurskifti

Deildarleiðarin vísir til leiðaran av Heimatænastuni í Vágum.

Løn og setanartreytir eru sambært sáttmála millum KAF/Fíggjarmálaráðið og Felagið Føroyskir Sjúkrarøktarfrøðingar.

Starvið er fulla tíð og verður sett skjótast til ber.

 

Umsókn

Umsókn við prógvum, c.v. og viðkomandi skjølum skal sendast til:

Heimatænastan í Vágum
Kálvalíðvegur 2
FO-370 Miðvágur

ella til teldupostadressuna: This email address is being protected from spambots. You need JavaScript enabled to view it.

Umsóknin skal vera Heimatænastuni í Vágum í hendi í seinasta lagi hin 17. apríl 2020 kl. 12:00.

 

Fleiri upplýsingar

Ynskir tú fleiri upplýsingar um Heimatænastuna í Vágum, starvið og førleikarnar, ið krevjast, vísa vit til starvs- og persónsprofilin á heimasíðunum sorvag.fo og vaga.fo.

Tað ber eisini til at ringja til Jóngerð Martinsdóttir Nielsen, leiðara fyri HTV á telefon nr. 793201ella skriva á teldupostadressu This email address is being protected from spambots. You need JavaScript enabled to view it.

 

Starvsprofilur

 


Um Heimatænastuna í Vágum

Heimatænastan í Vágum er skipað interkommunalt. Ovasta leiðslan er eitt stýri, sum kommunustýrini í Vága og Sørvágs kommunum velja.

Tænastunar eru skipaðar eftir Løgtingslóg nr. 19 frá 7. apríl 2014 um heimatænastu, eldrarøkt v.m., sum broytt við løgtingslóg nr. 121 frá 15. desember 2014. Endamálið við tænastunum er, at: Fyribyrgja sjúku, stimbra sálarliga og likamliga heilsu og trivna borgarans, endurmenna mistan førleika, stimbra møguleika hins einstaka at klára seg sjálvan, at veita rehabilitering, fyribyrgjan, røkt og umsorgan.

Borgarar fáa eina samskipaða heildartænastu, sum tekur atlit til tørv, trivnað, fortreytir og sjálvsavgerðarrætt hins einstaka, og sum eisini ger tað gjørligt at verða heima sum longst.

Í løtuni starvast tilsamans 73 fólk í Heimatænastuni í Vágum svarandi til 54 ársverk.

Skrivstovan

Varðagøta 8
FO-380 Sørvágur

Tel: 36 32 00
Fax: 36 32 01
This email address is being protected from spambots. You need JavaScript enabled to view it.

 

Avgreiðslutíð:

mána- til mikudag:
10-13

hósdag:
11-17

fríggjadag:
10-12

Kommunulæknarnir
tel.: 33 24 13

Les meira her

Umhvørvisplássið er opið soleiðis:

Týsdag: 16-18
Fríggjadag: 16-18
Leygardag: 16-18