Sonja Klein er sett sum samskipari at fyrireika yvirtøkuna av heima- og eldrarøktini í Vágum

Sørvágs Kommuna og Vága Kommuna hava sett Sonju Klein til at fyrireika yvirtøkuna av heima- og eldrarøktini í Vágum.

Sonja Klein hevur útbúgving sum sjúkrarøktarfrøðingur og hevur ein yvirbygna sum heilsufrøðingur. Hon hevur diplomleiðaraútbúgving frá skeiðsdeplinum, drúgvar royndir innan Heima- og Eldratænastuna og virkaði sum økisleiðari í Almannaverkinum frá 1996 og fram til summarið 2013.

Uppgávan hjá samskiparanum verður at virka sum kontaktpersónur hjá kommununum mótvegis viðkomandi samstarvspørtum, at lýsa eldraøkið í Vágum, tænastuliga, bygnaðarliga og fíggjarliga, soleiðis sum tað sær út í dag, og í tøttum samstarvi við viðkomandi partar at gera tilmæli til, hvussu økið kann skipast, tá kommunurnar hava yvirtikið tað at umsita.

Í fyrireikingararbeiðinum verður stórur dentur lagdur á, at hava tætt samskifti bæði við viðkomandi starvsfólk og við borgaran sum heild, har tey fáa høvi til at siga sína hugsan.

Skrivstovan

Varðagøta 8
FO-380 Sørvágur

Tel: 36 32 00
Fax: 36 32 01
This email address is being protected from spambots. You need JavaScript enabled to view it.

 

Avgreiðslutíð:

mána- til mikudag:
10-13

hósdag:
11-17

fríggjadag:
10-12